श्रृजना युवा क्लबको आयोजनामा फुटबल प्रतियोगिता

मकवानपुर । श्रृजना युवा क्लब बकैया–४ को आयोजनामा पुरुष खुल्ला फुटबल प्रतियोगिता जारी छ ।

क्लबले नेपालीहरुको महान पर्व बडादशैँ, शुभदिपावली तथा छठ पर्वको अवसरमा उक्त प्रतियोगिताको आयोजना गरेको हो ।

असोज २८ गतेदेखि सुरु भएको उक्त प्रतियोगिता कात्तिक ३ गते साँस्कृतिक कार्यक्रमसहित समापन गरिने क्लबका अध्यक्ष हर्कबहादुर भुलुनले जानकारी दिए ।

उनका अनुसार, प्रतियोगितामा विभिन्न १२ वटा टिमले सहभागिता जनाएको छ ।

प्रतियोगिताको विजेताले नगद ३० हजार रुपैयाँ र उपविजेताले १५ हजार रुपैयाँसहित शिल्ड, मेडल र प्रमाणपत्र प्राप्त गर्ने क्लबका अध्यक्ष भुलुनले बताए ।