दुर्घटनामा परेर श्रेष्ठको मृत्यु

पोखरा । पोखरामा सवारी दुर्घटनामा परेर एक जनाको मृत्यु भएको छ । विपरित दुई दिशाबाट आइरहेका मोटरसाइकल एकापसमा ठोक्किएर दुर्घटना हुँदा एक जनाको मृत्यु भएको हो ।

मृत्यु हुनेमा गोरखाका शुक्रराज श्रेष्ठ रहेको प्रहरीले जनाएको छ । प्रहरीका अनुसार, पोखरा–२५ स्थित फुर्केटारी चोकमा ग १६ प २९१ नम्बरको मोटरसाइकल र बागमती प्रदेश ०२–०१६ प ७०८४ नम्बरको मोटरसाइकल ठक्कर एकापसमा ठोक्किएर दुर्घटना हुँदा उनी गम्भीर घाइते भएका थिए ।

घाइते उनको मणिपाल शिक्षण अस्पताल लगिएकोमा उपचारका क्रममा मृत्यु भएको कास्की प्रहरीले जनाएको छ ।

यस्तै, उक्त दुर्घटनामा परेर अर्का घाइतेको पश्चिमाञ्चल क्षेत्रीय अस्पतालमा उपचार भइरहेको छ ।