खेतमा युवकको शव फेला

जनकपुरधाम । जनकपुरधाममा एक युवकको शव फेला परेको छ । जनकपुरधाम उपमहानगरपालिका–२३ बेलास्थित धान खेतमा हाल पहिचान नखुलेको एक युवकको शव फेला परेको प्रहरीले जनाएको छ ।

प्रहरीका अनुसार, स्थानीयले शव देखेपछि प्रहरीलाई खबर गरेका थिए । अहिले प्रहरी घटनास्थल पुगेर शव पोस्टमार्टमका लागि मुचुल्का बनाएर जनकपुरधामस्थित प्रादेशिक अस्पताल ल्याउने तयारी गरिरहेको जनाइएको छ ।

उक्त घटनाको बारेमा प्रहरीले आवश्यक अनुसन्धान गरिरहेको जनाइएको छ ।