अमेरिकामा गोलीकाण्डमा परेर मृत्यु हुनेको संख्या २२ पुग्यो

मेइन । अमेरिकाको मेइनस्थित गोलीकाण्डमा परेर मृत्यु हुनेको संख्या २२ पुगेको छ ।

उक्त घटनामा परेर ६० जनाभन्दा घाइते भएका छन् । लेविस्टनमा स्थानीय समयअनुसार साँझ ७ बजेबाट गोलाबारी सुरु भएको थियो । कम्तीमा तीन ठाउँमा गोलाबारी भएको बताइएको छ ।

सबैभन्दा पहिले बालबालिकाको कार्यक्रम आयोजना भइरहेको एक बलिङ एलीमा गोली प्रहार गरिएको रिपोर्ट प्रहरी कहाँ पुगेको थियो ।

त्यसको लगत्तै एउटा बार एन्ड ग्रिलमा गोली चलेको खबर आएको थियो । त्यस्तै वालमार्ट डिस्ट्रब्युसन सेन्टरमा ८ बजेपछि गोली चलेको खबर आएको थियो । त्यसपछि ९ बजे गोलाबारीको अर्को घटना रिपोर्ट गरिएको थियो । एजेन्सी