बारामा गोली प्रहारबाट एक जनाको मृत्यु

बारा । बारामा गोली प्रहारबाट एक जनाको मृत्यु भएको छ । जिल्लाको कलैया उपमहानगरपालिका वडा नम्वर ६ मदर्शामा गोली प्रहारबाट आज दिउँसो एक जनाको मृत्यु भएको हो ।

मृत्यु हुनेमा रुपेश सरार्फ (गुड्डु) रहेको बारा प्रहरीले जनाएको छ । प्रहरीका अनुसार, सोमबार दिउँसो २ वटा मोटरसाईकलमा आएका ४ जनाको समूहले गोली प्रहार गर्दा सरार्फ गम्भीर घाइते भएका थिए ।

गम्भीर घाइते उनलाई कलैया अस्पताल हुँदै विरगञ्जको बयोधा अस्पतालमा लगिएको थियो । उनको सोही अस्पतालमा उपचारको क्रममा मृत्यु भएको हो ।

मृतक सरार्फ बाल एकता इङिलस बोर्डिङ्ग स्कुलका प्रधानाध्यापक हुन् । प्रहरीले गोली प्रहार गर्नेहरुको खोजीकार्य गर्नुका साथै घटनाको बारेमा आवश्यक अनुसन्धान गरिरहेको जनाइएको छ ।