बारा हत्या प्रकरण : घटनामा संलग्न रहेको आशंकामा ६ जना पक्राउ

बारा । बारामा गोली हानी हत्या गरेको घटनामा संलग्न रहेको आशंकामा प्रहरीले ६ जनालाई पक्राउ गरेको छ ।

जिल्लाको कलैया उपमहानगरपालिका वडा नम्वर ६ मदर्शामा सोमबार दिउँसो गोली हानी रुपेश सरार्फ (गुड्डु) को हत्या भएको थियो । सोही घटनामा संलग्न रहेको आशंकामा प्रहरीले ६ जनालाई पक्राउ गरेको हो ।

पक्राउ पर्नेहरुमा तीन जना नेपाली र तीन जना भारतीय नागरिक रहेका छन् । प्रहरीले पक्राउ परेकाको नाम खुलाएको छैन ।

प्रहरीका अनुसार, सोमबार दिउँसो २ वटा मोटरसाईकलमा आएका ४ जनाको समूहले गोली प्रहार गर्दा सरार्फ गम्भीर घाइते भएका थिए ।

गम्भीर घाइते उनलाई कलैया अस्पताल हुँदै विरगञ्जको बयोधा अस्पतालमा लगिएको थियो । उनको सोही अस्पतालमा उपचारको क्रममा मृत्यु भएको थियो ।

मृतक सरार्फ बाल एकता इङिलस बोर्डिङ्ग स्कुलका प्रधानाध्यापक हुन् । उक्त घटनाको बारेमा प्रहरीले आवश्यक अनुसन्धान गरिरहेको जनाएको छ ।