बारामा एक महिला मृत अवस्थामा फेला

बारा । बारामा आज बिहान एक जना महिला मृत अवस्थामा फेला परेकी छन् ।

जिल्लाको जितपुरसिमरा उपमहानगरपालिका–६ स्थित चौरीमा हाल नाम थर नखुलेको अन्दाजी २५ वर्षीया महिला मृत अवस्थामा फेला परेको प्रहरीले जनाएको छ ।

बारा प्रहरीका अनुसार, स्थानीयले महिलाको शव देखेपछि प्रहरीलाई खबर गरेका थिए । उक्त शव सड्न सुरू भइसकेको अवस्थामा फेला परेको हो ।

उक्त घटना अनुसन्धानका लागि तालिम प्राप्त कुकुरसहितको टोली समेत खटिएको र घटनाको बारेमा थप अनुसन्धान गरिरहेको जनाइएको छ ।