ट्याक्टर दुर्घटना हुँदा एक जनाको मृत्यु

जनकपुरधाम । महोत्तरीमा आज दिउँसो ट्याक्टर दुर्घटना हुँदा एक जनाको मृत्यु भएको छ ।

दुर्घटनामा परेर ट्याक्टर चालक महोत्तरी पिपरा गाउँपालिका ३ बस्ने अन्दाजी ३६ वर्षीय रामगुलाम यादवको मृत्यु भएको जिल्ला प्रहरी कार्यालय महोत्तरीले जनाएको छ ।

प्रहरीका अनुसार, शुक्रबार दिउँसो करिब १ बजे महोत्तरीको लोहरपट्टी नगरपालिका ८ भ्रमरपुराको बिगही नदी किनारमा मल लिएर खेतमा जाँदै गरेको प्रदेश २–०२–००१ त १९६९ नम्बरको ट्याक्टर पल्टिएर दुर्घटना हुँदा यादवको घटनास्थलमै मृत्यु भएको हो ।

मृतक यादवको शव पोष्टमार्टमका लागि प्रादेशिक अस्पताल जलेश्वर लैजाने तयारी भइरहेको प्रहरीले जनाएको छ ।