मोटरसाइकलको ठक्करबाट स्कुटर चालकको मृत्यु

धनगढी । कञ्चनपुरमा सोमबार बिहान मोटरसाइकलको ठक्करबाट स्कुटर चालकको मृत्यु भएको छ ।

पूर्व–पश्चिम राजमार्ग अन्तरगत भासीमा सुपप्र ०२००४१ प २७०० नम्बरको स्कुटरलाई म २ प ७४५६ नम्बरको मोटरसाइकलले ठक्कर दिँदा एक जनाको मृत्यु भएको हो ।

मृत्यु हुनेमा भीमदत्त नगरपालिका–९ बस्ने ४८ वर्षीय तारासिंह कार्की रहेको प्रहरीले जनाएको छ । मोटरसाइकलको ठक्करबाट गम्भीर घाइते भएका उनको महाकाली प्रादेशिक अस्पतालमा उपचारका क्रममा मृत्यु भएको हो ।

यस्तै, सोही दुर्घटनामा परेर स्कुटर पछाडि सवार कार्कीकी श्रीमती लक्ष्मी घाइते भएकी छन् । उनको प्रादेशिक अस्पतालमा उपचार भइरहेको प्रहरीले जनाएको छ ।

मृतकको शव पोष्टमार्टमको लागि सोही अस्तालमा रािखएको छ ।

प्रहरीले स्कुटरलाई ठक्कर दिएपछि फरार भएका मोटरसाइकल चालक कञ्चनपुरकै वेदकोट नगरपालिका–१० बस्ने २२ वर्षीय शेरसिंह सार्कीलाई नियन्त्रणमा लिई घटनाको बारेमा आवश्यक अनुसन्धान गरिरहेको छ ।