मिनी ट्रक दुर्घटना हुँदा एक जनाको मृत्यु, १७ घाइते

धनगढी । भीमदत्त राजमार्गअन्तरगत कैलालीको गोदावरी नगरपालिका–४ मा सोमबार साँझ मिनी ट्रक दुर्घटना हुँदा एक जनाको मृत्यु भएको छ ।

से १ ख १४३८ नम्बरको मिनी ट्रक दुर्घटना हुँदा एक जनाको मृत्यु भएको हो । मृत्यु हुनेमा डोटीको जोरायल गाउँपालिका–२ की ५८ वर्षीया शोभा बिक रहेको प्रहरीले जनाएको छ ।

प्रहरीका अनुसार, दुर्घटनामा परेर बिकको घटनास्थलमै मृत्यु भएको हो ।

यस्तै, सोही दुर्घटनामा परेर ट्रकमा सवार अन्य १७ जना घाइते भएका छन् । घाइतेमध्ये दुई जनाको अवस्था गम्भीर रहेको जनाइएको छ ।

उनीहरु सबै डोटीको जोरायल गाउँपालिका क्षेत्रका वासिन्दा हुन् । घाइतेहरुको धनगढीको सेती प्रादेशिक अस्पताल, माया मेट्रो अस्पताल र अत्तरियाको पद्यमा अस्पतालमा उपचार भइरहेको छ ।

दुर्घटनापछि मिनी ट्रक चालक फरार रहेको छन् । फरार उनको खोजीकार्य हुनुका साथै घटनाको बारेमा आवश्यक अनुसन्धान गरिरहेको जनाइएको छ ।