नवनियुक्त मुख्य न्यायाधीशहरुद्वारा शपथ ग्रहण

काठमाडौं । उच्च अदालतका नवनियुक्त मुख्य न्यायाधीशहरुले बिहीबार पद तथा गोपनीयताको शपथ ग्रहण गरेका छन् ।

यही मंसिर ५ मा बसेको न्याय परिषदको बैठकबाट सिफारिस भएका मुख्य न्यायाधीशहरुले पद तथा गोपनीयताको शपथ ग्रहण गरेका हुन् ।

बैठकबाट उच्च अदालत सुर्खेतमा लोहितचन्द्र शाह, उच्च अदालत पोखरामा माधवप्रसाद पोखरेल, उच्च अदालत विराटनगरमा रमेशप्रसाद राजभण्डारी, उच्च अदालत जनकपुरमा श्रीकान्त पौडेल, उच्च अदालत तुलसीपुरमा नित्यानन्द पाण्डे र उच्च अदालत दिपायलमा शान्ति सिंह थापालाई मुख्य न्यायाधीशमा सिफारिस गरिएको हो ।

उनीहरुलाई प्रधानन्यायाधीश विश्वम्भरप्रसाद श्रेष्ठले मुख्य न्यायाधीशमा नियुक्त गरी शपथ ग्रहण गराएका हुन् ।