परालले छोपेको अवस्थामा महिलाको शव फेला
तु खबर संवाददाता२०८० मंसिर १२,मंगलवार १७:०२
जनकपुरधाम । धनुषामा मंगलबार परालले छोपिएको अवस्थामा एक महिलाको शव भेटिएको छ ।
जिल्लाको धनौजी गाउँपालिका–४ भडरियास्थित आँप बगैंचामा महिलाको शव फेला परेको प्रहरीले जनाएको छ ।
मंगलबार स्थानीयले शव देखेपछि प्रहरीलाई खबर गरेका थिए । घटनास्थलमा धनुषाबाट गएको कुकुरसहितको टोलीले अनुसन्धान सुरु गरेको जनाएको छ ।
प्रहरीका अनुसार, ती महिलाको ५–६ दिनदेखि हत्या भएको हुनसक्ने प्रारम्भिक अनुसन्धानबाट खुल्न आएपनि पुष्टि भएको छैन । उक्त घटनाको बारेमा प्रहरीले आवश्यक अनुसन्धान गरिरहेको जनाइएको छ ।