तनहुँमा बस दुर्घटना हुँदा ३६ जना घाइते

दमौली । तनहुँमा यात्रुबहाक बस दुर्घटना हुँदा ३६ जना घाइते भएका छन् । जिल्लाको व्यास नगरपालिका–१२ घाँसीकुवामा आज बिहानै यात्रुवाहक बस दुर्घटना हुँदा ३६ जना घाइते भएका हुन् ।

धरानबाट पोखरातर्फ आउँदै गरेको ग १ ख ७८९५ नम्बरको बस सडकबाट अनियन्त्रित भई दुर्घटना हुँदा उनीहरु घाइते भएको जिल्ला प्रहरी कार्यालय तनहुँले जनाएको छ ।

घाइते भएकाहरुको दमौली अस्पताल र रत्नहरि अस्पतालमा उपचार भइरहेको छ । तीमध्ये केही घाइतेहरुलाई पोखरा लैजाने तयारी भइरहेको जनाइएको छ ।