१ लाख १९ हजार नाघ्यो सुनको भाउ

काठमाडौं । नेपाली बजारमा सुनको भाउ प्रतितोला १ लाख १९ हजार नाघेको छ । नेपाल सुनचाँदी व्यवसायी महासंघका अनुसार, बुधवार छापावाल सुनको भाउ प्रतितोला १ लाख १९ हजार ३०० रुपैयाँ पुगेको हो ।

यस्तै, आज तेजाबी सुन प्रतितोला १ लाख १८ हजार ७५० रुपैयाँमा कारोबार भएको छ । यसअघि मंगलबार छापावाल सुन प्रतितोला १ लाख १७ हजार ७०० रुपैयाँ र तेजावी सुन १ लाख १७ हजार १५० रुपैयाँमा कारोबार भएको थियो ।

यसैगरी आज चाँदी प्रतितोला २० रुपैयाँले बढेर प्रतितोला १ हजार ५२० रुपैयाँ पुगेको छ । यसअघि मंगरबार चाँदी प्रतितोला १ हजार ५०० रुपैयाँमा कारोबार भएको थियो ।