अपडेट : तनहुँ दुर्घटनामा परेर दुई जनाको मृत्यु

पोखरा । तनहुँमा बस दुर्घटनामा परेर घाइते भएकामध्ये दुई जनाको मृत्यु भएको छ । जिल्लाको व्यास नगरपालिका–१२ घाँसीकुवामा आज बिहानै यात्रुवाहक बस दुर्घटना हुँदा गम्भीर घाइते भएकामध्ये दुई जनाको मृत्यु भएको हो ।

धरानबाट पोखरातर्फ आउँदै गरेको ग १ ख ७८९५ नम्बरको बस सडकबाट अनियन्त्रित भई दुर्घटना हुँदा ३६ जना घाइते भएका थिए । तीमध्ये दुई जनाको दमौलीमा उपचारको क्रममा मृत्यु भएको प्रहरीले जनाएको छ ।

मृत्यु हुनेमा धनकुटा सागुरीगढी गाउँपालिका ९ का ४५ वर्षीय हस्त राई र टोप बहादुर मगर रहेका छन् । राईको रत्नहरी अस्पताल र मगरको दमौली अस्पतालमा उपचारको क्रममा मृत्यु भएको हो ।

घाइतेमध्ये ५ जनाको दमौली अस्पताल, ८ जनालाई थप उपचारका लागि मनपाल शिक्षण अस्पताल पोखरा लागिएको छ भने अन्य घाइतेहरुको पनि विभिन्न अस्पतालमा उपचार भइरहेको छ ।