८० हजार घुससहित सब इन्जिनियर पक्राउ
तु खबर संवाददाता२०८० मंसिर १५,शुक्रबार ०९:०३
काठमाडौं । बुढानीलकण्ठ नगरपालिकाका सब इन्जिनियर घुस रकमसहित पक्राउ परेका छन् । सब इन्जिनियर टीकाराज राई ८० हजार रुपैयाँ घुस रकमसहित पक्राउ परेका हुन् ।
उनलाई बुढानीलकण्ठ नगरपालिका–७ बाटै पक्राउ गरेको अख्तियार दुरुपयोग अनुसन्धान आयोगले जनाएको छ ।
आयोगका अनुसार, सब इन्जिनियर राईले घर निर्माण सम्पन्न प्रमाणपत्र दिनका लागि घुस लिएको पाइएको छ ।
पक्राउ परेका उनीमाथि आवश्यक अनुसन्धान गरिरहेको जनाइएको छ ।