कांग्रेस बागमतीले ७८ औं स्थापना दिवस मनायो

मकवानपुर । नेपाली कांग्रेस बागमती प्रदेश समितिले शुक्रबार ७८ औँ स्थापना दिवस मनाएको छ । कांग्रेस बागमतीले हेटौंडामा एक कार्यक्रमको आयोजना गरी मनाइएको हो ।

नेपाली राष्ट्रिय कांग्रेसको पहिलो अधिवेशन भएको मिति २००३ माघ १२ लाई आधार मानेर हरेक वर्ष स्थापना दिवस मनाउँदै आएको छ ।

कार्यक्रम् पार्टी पूर्व महामन्त्री प्रकाशमान सिंहको प्रमुख आतिथ्यता एवम् नेपाली कांग्रेस बागमती प्रदेश सभापति ईन्द्रबहादुर बानियाँको अध्यक्षतामा भएको हो ।

कार्यक्रममा केन्द्रीय सदस्य राजन केसी, कांग्रेस बागमती प्रदेश संसदीय दलका नेता बहादुरसिंह लामा, नेकपा माओवादी केन्द्रका नेता सरल सहयात्री, कांग्रेस बागमती प्रदेश उपसभापति चन्द्र महर्जन, कांग्रेस मकवानपुर सभापति बुद्ध लामा, बिहीबार मात्रै बागमती प्रदेशमा गठबन्धनबाट राष्ट्रियसभा सदस्य निर्वाचित भएकाहरु जितजंग बस्नेत, विष्णुदेवी पुडासैनी, श्रीकृष्ण अधिकारी, घनश्याम रिजाललगायतले मन्तव्य व्यक्त गरेका थिए ।