हेटौंडामा २१ जनाले गरे रक्तदान

मकवानपुर । रगतको अभाब खड्किदै गइरहेको समयमा हेटौंडामा आयोजित रक्तदान कार्यक्रममा २१ जनाले रक्तदान गरेका छन् ।

शनिबार मकवानपुर घर जग्गा व्यवसायी संघको पहिलो विशेष साधारण सभाको अवसरमा आयोजित रक्तदान कार्यक्रममा २१ जनाले रगत दान गरेका हुन् ।

रक्तदान गर्ने मध्य घर जग्गाको कारोबार गरिरहेका हेटौंडा–९ का व्यवसायी रमेश गेलाल र उनका श्रीमती ससिता दंगालले आफ्नो १२ औं बैवाहिक बर्षगाँठको सन्दर्भमा कार्यक्रममा पहिलो रक्तदान गरेका थिए ।

कार्यक्रम घर जग्गा व्यवासयी संघ मकवानपुरको अध्यक्ष कमलराज मैनालीको अध्यक्षता एवम् पत्रकार महासंघ मकवानपुरका अध्यक्ष मणिराज गौतमको प्रमुख आतिथ्यतामा भएको हो ।

कार्यक्रममा मकवानपुर उद्योग वाणिज्य संघका वरिष्ठ उपाध्यक्ष अनिल अग्रवाल, उपाध्यक्ष प्रमोदसिंह रानाभाट, कपडा तथा तयारी पोशाक व्यवसायी संघका अध्यक्ष नेत्रप्रसाद खतिवडा, हेटौंडा उपमहानगरपालिका खेलकुद विकास समितिका अध्यक्ष रबिन्द्र घिमिरे, घरजग्गा व्यवसायी संघका सल्लाहकार हेमप्रसाद अघिकारीलगायतको सहभागिता रहेको थियो ।