डिजेल, पेट्रोल र खाना पकाउने ग्याँसको भाउ बढ्यो
तु खबर संवाददाता२०८० माघ १८,बिहीबार ०९:०७
काठमाडौं । नेपाल आयल निगमले डिजेल, पेट्रोल, मट्टितेल र खाना पकाउने ग्याँसको भाउ बढेको जनाएको छ ।
निगम संचालक समितिको बुधबार साँझ बसेको बैठकले भाउ बढाउने निर्णय गरेको हो ।
बैठकले डिजेल र पेट्रोलमा प्रतिलिटर ४ रुपैयाँले र मट्टितेलमा प्रतिलिटर २ रुपैयाँले भाउ बढाउने निर्णय गरेको हो ।
यस्तै, खाना पकाउने ग्याँसमा प्रतिसिलिण्डर १५ रुपैयाँले मूल्य बढाएको हो । बढेको मूल्य बुधबार मध्यरातिदेखि नै लागू हुने नेपाल आयल निगमले जनाएको छ ।