जापानद्वारा २४० वटा जुडो पोसाक हस्तान्तरण

काठमाडौं । जापान सरकारले नेपाल जुडो संघलाई २४० वटा जुडो पोसाक हस्तान्तरण गरेको छ ।

नेपालका लागि जापानका राजदूत किकुता युताकाले नेपाल जुडो संघलाई २४० वटा जुडो पोसाक हस्तान्तरण गरेका हुन् ।

काठमाडौंस्थित जापानी राजदूतावासमा भएको कार्यक्रममा उक्त पोसाक हस्तान्तरण गरिएको हो ।

जापान सरकारको खेलकुद कूटनीति अभिवृद्धि परियोजनाअन्तर्गत अखिल जापान जुडो महासंघ र गैरनाफामुलक संस्था जुडोजले उक्त पोशाकहरु उपलब्ध गराएको हो ।