माओवादी केन्द्रको केन्द्रीय समिति बैठक आह्वान
तु खबर संवाददाता२०८० माघ २८,आईतवार ०९:५६
काठमाडौं । नेकपा माओवादी केन्द्रको केन्द्रीय समितिको बैठक आज बस्ने गरी आह्वान गरिएको छ ।
बैठक बिहान ११ बजे राष्ट्रियसभा गृहमा बस्ने गरी आह्वान गरिएको पार्टीका उपाध्यक्ष एवम् प्रवक्ता अग्निप्रसाद सापकोटाले जानकारी दिए ।
आजबाट सुरु हुने उक्त बैठक सोमबारसम्म संचालन हुने प्रवक्ता सापकोटाले बताए । उनका अनुसार, बैठकमा माओवादी केन्द्रले यसअघि सञ्चालन गरेको चार महिने ‘जनतासँग माओवादी विशेष अभियान’मा विशेष समीक्षा गर्ने कार्यसूची रहेको छ ।
यस्तै, बैठकमा समसामयिक राजनीतिक विषयका अलावा पार्टीको काम कारबाही र आगामी फागुन १ गतेदेखि तय गरिएको विधान सम्मेलनबारे पनि छलफल हुनेछ ।