निम्न माध्यमिक तहको शिक्षकका लागि आवेदन माग

काठमाडौं । शिक्षक सेवा आयोगले सामुदायिक विद्यालयको निम्न माध्यमिक तह, तृतीय श्रेणी, शिक्षक पदका लागि आवेदन माग गरेको छ ।

आयोजले बुधबार एक सूचना प्रकाशित गर्दै खुला तथा समावेशी प्रतियोगितात्मक परीक्षाबाट स्थायी पदपूर्ति गर्नुपर्ने भएकोले न्यूनतम योग्यता पुगेका इच्छुक उम्मेदवारलाई आवेदन दिन आह्वान गरेको हो ।

आयोगले प्रकाशित गरेको सूचनामा आजैदेखि अनलाइन दरखास्त प्रणालीबाट दरखास्त दिन सकिने उल्लेख गरिएको छ ।

उम्मेदवारहरूले आयोगको दरखास्त अनलाइन पोर्टल https://online.tsc.gov.np/ मार्फत सम्पूर्ण विवरणहरू भरी दरखास्त दिनुपर्ने जनाइएको छ ।