सामरी सयपत्री टोल विकास संस्थाको साधारणसभा सम्पन्न

मकवानपुर । मकवानपुरको मकवानपुरगढी गाउँपालिका वडा नम्वर ४ मा अवस्थित सामरी सयपत्री टोल विकास संस्था लिमिटेडको ५ औं वार्षिक साधारण सभा सम्पन्न भएको छ । संस्थाको साधारण सभा सोमबार सम्पन्न भएको हो ।

कार्यक्रम मकवानपुरगढी गाउँपालिका उपाध्यक्ष मान कुमारी पाख्रीनको प्रमुख आतिथ्यता एवम् संस्थाका अध्यक्ष दिपेश कुमार थिङको सभाध्यक्षतामा भएको हो ।

मकवानपुरगढी ४ नम्बर वडा सदस्य धन बहादुर लामाको विशिष्ट आतिथ्यतामा भएको कार्यक्रममा श्री मनकामना सामुदायिक वन उपभोक्ता समुहका अध्यक्ष सर्कलाल लो र मजुवा टोल बिकास संस्था अध्यक्ष कृष्ण बहादुर खड्का, बुद्धिजीवी उर्मिला गुरुङ र केदारलाल श्रेष्ठ लगायतको आतिथ्यता थियो ।