कालीदेवी आधारभूतका विद्यार्थीलाई शैक्षिक सामाग्री सहयोग

मकवानपुर । मकवानपुरको मकवानपुगढी गाउँपालिका वडा नम्वर ६ स्थित कालीदेवी आधारभूत विद्यालयमा अध्ययनरत ५२ जना विद्यार्थीहरुलाई शैक्षिक सामाग्री सहयोग भएको छ ।

हेटौंडा–४ मा रहेको ब्रह्ममदिक एकेडेमीका विद्यार्थीले खाजा खर्च कटाई कालीदेवी विद्यालयका विद्यार्थीहरुलाई शैक्षिक सामाग्री सहयोग गरेका हुन् ।

विद्यालयले सामाजिक अध्ययन विषय अन्तर्गत विद्यार्थीहरूमा मानव मूल्यको विकासमा प्रत्यक्ष सहभागिता विधिअनुसार गराउने उद्देश्य अनुरूप यो कार्यक्रम गरिएको ब्रह्ममदिक एकेडेमीका शिक्षक अमित क्षेत्रीले जानकारी दिए ।

शैक्षिक सामग्री हस्तान्तरण कार्यक्रममा गाउँपालिकाका अध्यक्ष दोर्जे लामा स्याङ्तान , ब्रह्मदिक एकेडमीका शिक्षकहरु क्रमशः भोलाप्रसाद शिवाकोटी, अमित क्षेत्री, राजेश महतो, स्मृति पुडासैनीलगायत विद्यार्थीहरुको सहभागिता रहेको थियो ।