त्रिवि उपकुलपति बरालले गरे पदभार ग्रहण

काठमाडौं । त्रिभुवन विश्वविद्यालयका नवनियुक्त उपकुलपति प्राडा केशरजंग बरालले पदभार ग्रहण गरेका छन् । कीर्तिपुरस्थित उपकुलपति कार्यालय पुगेर उनले पदभार ग्रहण गरेका हुन् ।

उनलाई निमित्त कुलपति प्रा.डा. शिवलाल भुसालले पदभार ग्रहण गराएका थिए ।

पदभार ग्रहण कार्यक्रममा त्रिविका रेक्टर, रजिस्ट्रार डीन लगायतका पदाधिकारी तथा शिक्षक कर्मचारी सहभागी थिए ।

प्रधानमन्त्री तथा कुलपति पुष्पकमल दाहाल (प्रचण्ड) ले बिहीबार उनलाई उपकुलपतिमा नियुक्त गरेका थिए । शिक्षा मन्त्रालयले गठन गरेको सिफारिस समितिको सिफारिसका आधारमा बराल नियुक्त भएका हुन् ।