बागमती प्रदेश सभाको बैठक स्थगित

मकवानपुर । बागमती प्रदेश सभाको आज विहान ११ः३० बजे बस्ने भनिएको बैठक विशेष कारणबस स्थगित गरेर भोलि बिहान ११ः३० बजे बस्ने भएको प्रदेश सभा सचिवालयले जनाएको छ ।

प्रदेश सभाको वर्षे अधिवेशनको असारमा बजेट प्रस्तुत गर्ने क्रममा प्रमुख प्रतिपक्ष लगायतका दलहरुले असन्तुष्टि जनाई संसद केही दिनको लागि अवरुद्ध गरेपछि प्रदेश सरकार र प्रतिपक्षी दलहरुको बीचमा ३ बुँदे सहमति भएको थियो ।

हाल हिउँदे अधिवेशन सुरु हुँदा पनि प्रदेश सरकारले प्रतिपक्षी दलहरुसँगको सहमति कार्यान्वयन गर्न नखोजेकोले उक्त सहमति कार्यान्वयन गर्न भनी प्रतिपक्षीहरुले पटक–पटक सरकारको ध्यानाकर्षण गराउँदा पनि सरकारले आफ्नो तर्फबाट कुनै आश्वासन दिन नसकेको कारणले आज बस्ने भनिएको बैठक सरकारले स्थगित गराउन लगाएको प्रमुख प्रतिपक्षी नेकपा एमाले संसदीय दलका सचेतक मधुसुदन प्रसाद पौडेल र राप्रपा संसदीय दलका नेता उद्धब थापाले बताए ।