आजको मौसमः कोशी र गण्डकीमा हल्का हिमपात

काठमाडौं । मौसम पूर्वानुमान महाशाखाले आज कोशी र गण्डकी प्रदेशमा हल्का हिमपातको सम्भावना रहेको जनाएको छ ।

महाशाखाले कोशी र गण्डकी प्रदेशका उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको जनाएको हो ।

साथै महाशाखाका अनुसार, आज कोशी, बागमती र गण्डकी प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहनेछ ।

महाशाखाले हाल नेपालमा पश्चिमी बायुको आंशिक प्रभाव रहेको र त्यसको प्रभावले देशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहेको जनाएको छ ।