सशस्त्र प्रहरी बलमा आवेदन दिन माग

काठमाडौं । सशस्त्र प्रहरी बल नेपालले रिक्त विभिन्न पदमा आवेदन दिन माग गरेको छ । आज एक सूचना जारी गर्दै रिक्त पदपूर्तिका लागि आवेदन माग गरिएको हो ।

प्राविधिक समूह प्रहरी निरीक्षकदेखि नायव निरीक्षकसम्मका पदहरूमा खुला प्रतियोगिताद्वारा पदपूर्ति गर्न लागिएको सूचनामा उल्लेख गरिएको छ ।

योग्यता पुगेका नेपाली नागरिकले आगामी चैत १८ गते सम्म अनलाइनमार्फत दरखास्त दिन सक्ने भर्ना तथा छनौट शाखाले जनाएको छ ।