होटलको छतबाट खसेर एक जनाको मृत्यु

सुर्खेत । सुर्खेतको वीरेन्द्रनगरस्थित होटेलको छतबाट खसेर एक जनाको मृत्यु भएको छ ।

मृत्यु हुनेमा दैलेखको नौमुले गाउँपालिका–८, बस्ने ५१ बर्षीय दीपबहादुर चन्द रहेको प्रहरीले जनाएको छ ।

प्रहरीका अनुसार, वीरेन्द्रनगर–६, स्थित गोदाम लाइनमा रहेको नौलो होटेलको पहिलो तलाबाट खसेर उनको मृत्यु भएको हो ।

सो घटनाबारे प्रहरीलाई आज बिहान ८ः ३० बजे जानकारी गराइएको थियो ।

हाल उनको शव पोष्टमार्टमका लागि प्रदेश अस्पताल कालागाउँ लगिएको र घटनाबारे थप अनुसन्धान भइरहेको जनाइएको छ ।