सशस्त्र प्रहरीका डीएसपी मृत भेटिए

विराटनगर । प्रस्तावित सशस्त्र प्रहरी गुल्म सोराभाग, धनपालथान मोरङका डीएसपी उपेन्द्र बस्याल मृत अवस्थामा भेटिएका छन् ।

बस्याल गुल्मको आफ्नै निवास छेउमा रहेको किचनको फेनमा प्लाष्टिकको डोरी लगाएर झुण्डिएको अवस्थामा मृत भेटिएको मोरङका प्रहरीले जनाएको छ ।

प्रहरीका अनुसार, पाल्पा स्थायी ठेगाना भएका बस्यालको परिवार भने काठमाडौंमा रहेको बुझिएको छ ।

उक्त घटनाको बारेमा प्रहरीले आवश्यक अनुसन्धान गरिरहेको जनाएको छ ।