स्रोत नखुलेको रकमसहित मकवानपुरका दुई जना पक्राउ

रौतहट । रौतहटको ईशनाथ नगरपालिका–१ जानपुलबाट स्रोत नखुलेको नगद १० लाख रूपैयाँसहित मकवानपुरका दुई जनालाई सोमबार राति प्रहरीले पक्राउ गरेको छ ।

पक्राउ पर्नेहरूमा मकवानपुरको हेटौंडा उपमहानगरपालिका–३ बस्ने ३० वर्षीया मरमती मोक्तान र ३६ वर्षीय देवराज थिङ रहेको प्रहरीले जनाएको छ ।

उनीहरुलाई ईलाका प्रहरी कार्यालय बन्जरहाबाट खटिएको प्रहरीले पक्राउ गरेको हो ।

प्रहरीका अनुसार, प्र.३ ०१–०२३ च ५३८५ नम्बरको कारलाई जाँच गर्ने क्रममा कारमा सवार उनीहरूलाई उक्त नगदसहित पक्राउ गरेको हो ।

पक्राउ परेका उनीहरुमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।