मकवानपुरको एक घरमा आगलागी

मकवानपुर । मकवानपुर जिल्लाको थाहा नगरपालिका वडा नं. ११ मालागिरीस्थित एक घरमा बिहीबार आगलागी भएको छ ।

स्थानीय सुरेन्द लामाको ढुङगा, माटो र जस्तापाताबाट बनेको कच्चि घरमा आगलागी भएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले बताए ।

उक्त आगलागीबाट घरमा रहेको सुन १ तोला, नगद १ लाख ३६ हजार, अन्नपात, घर पुर्ण रुपमा जलेर नष्ट भएको प्रहरी नायव उपरीक्षक भण्डारीले जनाएको छ ।

उनका अनुसार, आगलागीमा परेर मानवीय क्षति भने भएकौ छैन । आगो स्थानीय र थाहा नगरपालिकाको दमकलको सहयोगमा करिब ४० मिनेटपछि पूर्ण रुपमा नियन्त्रणमा आएको थियो ।