मनी ट्रान्सफर सञ्चालकमाथि गोली प्रहार गर्ने पक्राउ

रौटहट । रौतहटमा मनी ट्रान्सफर सञ्चालकमाथि गोली प्रहार गरेको अभियोगमा तीन जना पक्राउ परेका छन् । मनी ट्रान्सफरका सञ्चालक २६ वर्षीय नितेश साहमाथि गोली प्रहार गर्ने तीन जना भारतीय नागरिक पक्राउ परेका हुन् ।

जिल्ला प्रहरी कार्यालय रौतहटका अनुसार, शुक्रबार दिउँसो १ बजेको समयमा रौतहटको परोहा नगरपालिका–९ स्थित शिव मनि ट्रान्सफर संचालनक साहमाथि गोली प्रहार भएको थियो ।

उक्त घटनालगत्तै खटिएको प्रहरीले खोजतलास गर्ने क्रममा प्रहरीले तीन जना भारतीय नागरिक पक्राउ गरी सार्वजनिक गरेको हो ।

पक्राउ पर्नेहरुमा भारतीय नागरिक १९ वर्षका मुनिफकुमार यादव, १८ वर्षका राजकुमार पासवान र २० वर्षका चन्द्रभान सिंह रहेका छन् ।

पक्राउ परेका उनीमाथि ज्यान मार्ने उद्योग, हातहतियार तथा खरखजाना र चोरीसम्बन्धी कसुरमा अनुसन्धान भइरहेको जनाइएको छ ।

प्रहरीले उनीहरुको साथबाट प्रहरीले मोटरसाइकल, पेस्तोल गोली लगायतका सामान बरामद गरेको छ ।

गोली प्रहारबाट घाइते भएका साहको बारापको परबानीपुरस्थित एलएस न्यूरो अस्पतालमा उपचार भइरहेको रौतहट प्रहरीले जनाएको छ ।