टिपरको ठक्करबाट साइकल यात्रीको मृत्यु

दाङ । दाङमा टिपरको ठक्करबाट साइकल यात्रीको मृत्यु भएको छ । मृत्यु हुनेमा घोराही उपमहानगरपालिका–१७, भैसाहीका ४५ वर्षीय कालीप्रसाद चौधरी रहेको प्रहरीले जनाएको छ ।

प्रहरीका अनुसार, जिल्लाको घोराही उपमहानगरपालिका– १७ सिस्ने खोला नजिकै हाल नम्बर नखुलेको टिपरले शुक्रबार ठक्कर दिँदा उनी गम्भीर घाइते भएका थिए ।

टिपरको ठक्करबाट गम्भीर घाइते भएका उनको घोराहीस्थीत राप्ती स्वास्थ बिज्ञान प्रतिष्ठानमा उपचारका क्रममा मृत्यु भएको जनाइएको छ ।

उक्त घटनाको बारेमा प्रहरीले आवश्यक अनुसन्धान गरिरहेको छ ।