सांसद मञ्जु शर्मा अन्सारीको निधन

काठमाडौं । प्रतिनिधि सभा सदस्य मञ्जु शर्मा अन्सारीको निधन भएको छ । सांसद अन्सारीको ६० वर्षको उमेरमा आज निधन भएको हो ।

उनको उपचारको क्रममा मिनभवनस्थित सिभिल अस्पतालमा निधन भएको हो ।

प्रतिनिधिसभा सदस्य पदमा निर्वाचित शहनाज रहमानको २०७९ फागुन १३ गते निधन भएपछि रिक्त रहेको सो पदमा उनी सांसद भएकी थिइन् ।

स्व. अनसारी जनता समाजवादी पार्टी नेपालको पोलिटब्यूरो सदस्य पनि थिइन् ।

उनको निधनमा सभामुख देवराज घिमिरेले आज नै सिभिल अस्पतालमा पुगेर शोक प्रकट गरेका छन् ।