चितवनमा ट्रकको ठक्करबाट मोटरसाइकल चालकको मृत्यु

चितवन । चितवनमा गएराति ट्रकको ठक्करबाट मोटरसाइकल चालकको मृत्यु भएको छ ।

मृत्यु हुनेमा हाल नाम, थर, वतन नखुलेका अन्दाजी २० वर्षीय युवक रहेको जिल्ला प्रहरी कार्यालय चिवतनले जनाएको छ ।

भरतपुर महानगरपालिका–२९ दाशढुङ्गास्थित सडकमा ना.७ ख ७६४ नम्बरको ट्रकले ना.५ प ८१९९ नम्बरको मोटरसाइकललाई ठक्कर दिँदा ती युवक गम्भीर घाइते भएका थिए ।

दुर्घटनामा गम्भीर घाइते भएका उनको भरतपुर सरकारी अस्पतालमा उपचारको क्रममा मृत्यु भएको हो ।

ट्रक चालकलाई प्रहरीले नियन्त्रणमा लिई घटनाको बारेमा थप अनुसन्धान गरिरहेको छ ।