सभामुख र राष्ट्रिय सभा अध्यक्षबीच औपचारिक भेट
तु खबर संवाददाता२०८० चैत्र ८,बिहीबार १६:२०
काठमाडौं । सभामुख देवराज घिमिरे र नवनियुक्त राष्ट्रिय सभा अध्यक्ष नारायण दाहालबीच औपचारिक भेटवार्ता भएको छ ।
अध्यक्ष दाहालले राष्ट्रिय सभाको अध्यक्षमा निर्वाचित भएपछि सभामुखसँग बिहीबार पहिलो पटक भेट गरेका हुन् ।
उनीहरुबीच संसद् सचिवालय सिंहदरवारमा भेटवार्ता भएको हो । सो क्रममा अध्यक्ष दाहाललाई सभामुख घिमिरे शुभकामना तथा बधाई दिएका थिए ।
दाहाल गत फागुन २९ गते राष्ट्रिय सभा अध्यक्ष निर्वाचित भएका हुन् ।