अमेरिकामा चक्कु प्रहार गरेर चार जनाको हत्या

काठमाडौं । अमेरिकामा चक्कु प्रहार गरेर चार जनाको हत्या भएको छ । अमेरिकाको इलिनोइस राज्यमा एक व्यक्तिले चक्कु प्रहार गरी चार जनाको हत्या गरेका हुन् ।

राकफोर्ड शहरका प्रहरी प्रमुख कार्ला रेडका अनुसार, एक जना २२ वर्षीय युवकले चक्कु प्रहार गर्दा दुई जना महिला र दुई जना पुरुषको मृत्यु भएको हो ।

मृतकहरु १५ देखि ६३ वर्ष उमेर समूहका रहेका छन् ।

यस्तै, सो आक्रमणमा परी सात जना घाइते छन् । घाइतेमध्ये एकजनाको अवस्था गम्भीर छ ।

आक्रमण गर्ने ती युवकलाई प्रहरीले आवश्यक अनुसन्धान अगाडि बढाइएको छ ।–एजेन्सी