रास्वपाद्वारा इलाम–२ उपनिर्वाचनका लागि उम्मेदवारी घोषणा

इलाम । राष्ट्रिय स्वतन्त्र पार्टी (रास्पा) ले इलाम–२ मा हुने उपनिर्वाचनका लागि उम्मेदवारी घोषणा गरेको छ ।

आगामी वैशाख १५, २०८१ मा इलाम क्षेत्र नम्बर २ मा हुन लागेको प्रतिनिधि सभाको उपनिर्वाचनका लागि रास्वपाले शनिबार उम्मेदवारी घोषणा गरेको हो ।

पार्टीका सभापति रवि लामिछानेसहितका पार्टीका नेताहरू इलाम पुगेर उम्मेदवार घोषणा गरेको हो । उक्त उपनिर्वाचनमा रास्वपाले मिलन लिम्बुलाई उठाउने भएको हो ।

सो बारे इलामको चोक बजार लाँकुरी चौतारामा एक कार्यक्रममार्फत् जानकारी गराइएको हो ।

उम्मेदवारी सार्वजनिक कार्यक्रममा युवा तथा खेलकुद मन्त्री विराजभक्त श्रेष्ठ, ललितपुर–३ की सांसद तोशिमा कार्की लगायतको सहभागीता रहेको थियो ।