१५ हजार घुस रकमसहित वडाध्यक्ष पक्राउ

काठमाडौं । कपिलवस्तुको महाराजगञ्ज नगरपालिका–२ का वडाध्यक्ष उजेर अली पक्राउ परेका छन् । वडाध्यक्ष अली घुस रकमसहित पक्राउ परेका हुन् ।

उनलाई अख्तियार दुरुपयोग अनुसन्धान आयोग बुटवलले १५ हजार रुपैयाँ घुस रकमसहित पक्राउ गरेको हो ।

घरबाटो सिफारिस दिने प्रयोजनका लागि उनले एक सेवाग्राहीसँग उक्त रकम लिएको अवस्थामा उनलाई कार्यकक्षबाटै पक्राउ गरेको अख्तियारको बुटवल कार्यालयले जनाएको छ ।

पक्राउ परेका अलीलाई अख्तियारको हिरासतमा राखिएको जनाइएको छ ।