राष्ट्रिय सभा उपाध्यक्षको निर्वाचन चैत्र २८ गते हुने
तु खबर संवाददाता२०८० चैत्र २१,बुधबार १५:३५
काठमाडौं । राष्ट्रिय सभा उपाध्यक्षको निर्वाचन यही चैत्र २८ गते हुने भएको छ ।
राष्ट्रिय सभाको बुधबार बसेको बैठकमा अध्यक्ष नारायणप्रसाद दाहालले निर्वाचनको मिति सार्वजनिक गरेका हुन् ।
चैत्र १५ गते राष्ट्रिय सभा उपाध्यक्ष उर्मिला अर्यालले राजीनामा दिएसँगै सो पदन रिक्त रहेको छ । रिक्त रहेको उक्त पदमा निर्वाचन गर्न लागिएको हो ।
सत्ता गठबन्धन परिवर्तन भएपछि राष्ट्रिय सभा अध्यक्ष माओवादी केन्द्रले लिएको छ । सो सहमति अनुसार नारायण दाहाल राष्ट्रिय सभा अध्यक्ष भइसकेका छन् ।