हेटौंडामा आजबाट जिल्ला स्तरीय शिक्षक भलिबल प्रतियोगिता हुँदै

मकवानपुर । बागमती प्रदेशको राजधानी हेटौंडामा आजबाट जिल्ला स्तरीय शिक्षक भलिबल प्रतियोगिता हुने भएको छ ।

उक्त प्रतियोगिता हेटौंडा उपमहानगरपालिका ४ नम्वर वडा कार्यालयको आयोजना तथा शैक्षिक गुणस्तर सुधार समितिको व्यवस्थापन र आधुनिक राष्ट्रिय माध्यमिक विद्यालयको सह–व्यवस्थापनमा हुन लागेको हो ।

प्रतियोगिताको आज पहिलो दिन सनसाइन इङ्लिस माध्यमिक विद्यालय र कृष्ण आदर्श इङ्लिस माध्यमिक विद्यालयबीच प्रतिस्पर्धा हुनेछ ।

एक क्याम्पस र १५ वटा विद्यालयले सहभागिता जनाएको उक्त प्रतियोगिताको विजेता र उपविजेता समूहले क्रमशः नगद २५ हजार रुपैयाँ र १५ हजार रुपैयाँसहित शिल्ड, मेडल र प्रमाणपत्र प्राप्त गर्नेछन् ।

यस्तै, प्रतियोगिताको सेमिफाइनल पुग्ने टिमलाई नगद ५ हजार रुपैयाँ प्रदान गरिने आयोजकले जनाएको छ ।