लागूऔषध गाँजासहित एक युवक पक्राउ

दोलखा । दोलखाको भिमेश्वर नगरपालिका–५ किरातिछापस्थित सडकबाट प्रहरीले सोमबार बिहान अवैध लागूऔषध गाँजासहित एक युवकलाई पक्राउ गरेको छ ।

पक्राउ पर्नेमा बैतेश्वर गाउँपालिका–५ मैनापोखरी बस्ने २६ वर्षीय दिपक मिजार रहेको प्रहरीले जनाएको छ ।

उनलाई प्रहरी चौकी किरातिछापबाट खटिएको प्रहरीले २ किलो ९ सय २२ ग्राम लागूऔषधसहित गाँजासहित पक्राउ गरेको हो ।

प्रहरीका अनुसार, बा.५ ख ८०३१ नम्बरको बस चेकजाँच गर्ने क्रममा बसमा सवार उनलाई उक्त गाँजासहित पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।