बुद्धचोकबाट तीन जना पक्राउ
तु खबर संवाददाता२०८० चैत्र २७,मंगलवार १५:४१
कैलाली । कैलालीको धनगढी उपमहानगरपालिका–८ बुद्धचोकबाट अवैध लागूऔषध ब्राउन सुगरसहित प्रहरीले सोमबार तीन जनालाई पक्राउ गरेको छ ।
प्रहरीले अवैध लागूऔषध ब्राउन सुगर २ ग्राम ५ सय ७० मिलिग्रामसहित तीन जनालाई पक्राउ गरेको जनाएको छ ।
पक्राउ पर्नेहरूमा कैलारी गाउँपालिका–८ बस्ने २४ वर्षीय सन्जु चौधरी, जोशीपुर गाउँपालिका–१ बस्ने २४ वर्षीय अम्मर दिप डगौरा र धनगढी उपमहानगरपालिका–७ बस्ने १७ वर्षीय किशोर रहेका छन् ।
उनीहरुलाई जिल्ला प्रहरी कार्यालय कैलालीबाट खटिएको प्रहरीले उक्त लागूऔषधसहित पक्राउ गरेको हो ।
पक्राउ परेका उनीहरुमाथि प्रहरीले आवश्यक अनुसन्धान गरिरहेको छ ।