कर्णालीको मुख्यमन्त्रीमा यामलाल कँडेल

सुर्खेत । कर्णाली प्रदेशको मुख्यमन्त्रीमा यामलाल कँडेल नियुक्त भएका छन् ।

प्रदेश प्रमुख तिलक परियारले मंगलबार एमाले संसदीय दलका नेता कँगेललाई मुख्यमन्त्रीमा नियुक्त गरेका हुन् ।

कँडेलले गठबन्धनमा रहेका नेकपा एमालेका ९, माओवादी केन्द्रका १३ र एकीकृत समाजवादीका १ सहित २३ प्रदेश सभा सदस्यको हस्ताक्षरसहित आफूलाई मुख्यमन्त्री बनाउन दाबी पेश गरेका थिए ।

कर्णालीमा सरकार गठनका लागि २१ जना सांसद्को आवश्यकता पर्छ ।