राष्ट्रिय सभा उपाध्यक्षको निर्वाचन आज हुँदै
तु खबर संवाददाता२०८० चैत्र २८,बुधबार ०८:२३
काठमाडौं । राष्ट्रिय सभाको उपाध्यक्ष पदका लागि आज निर्वाचन हुँदैछ । उपाध्यक्षका लागि मंगलबार दुई जनाको उम्मेदवारी परेको छ ।
नेपाल कम्युनिष्ट पार्टी एमालेको तर्फटबाट विमला घिमिरे र नेपाली कांग्रेसको तर्फबाट विष्णुदेवी पुडासैनीले उम्मेदवारी दर्ता गराएका छन् ।
तत्कालीन उपाध्यक्ष उर्मिला अर्यालले पदबाट राजीनामा दिएपछि निर्वाचन हुन लागेको हो ।
५९ सदस्यीय राष्ट्रिय सभामा उपाध्यक्ष पद जित्नका लागि ३० मत आवश्यक पर्छ ।
जसमा माओवादी केन्द्रका १७, नेपाली कांग्रेसका १६, नेकपा एमालेका १०, एकीकृत समाजवादीका ८ र जसपाका ३, मनोनित २, लोसपा र जनमोर्चाका एक–एक सांसद रहेका छन् ।