आजबाट विद्यालय भर्ना अभियान सुरु

काठमाडौं । नयाँ शैक्षिकसत्र २०८१ का लागि आजबाट देशैभर विद्यार्थी भर्ना अभियान सुरु हुने भएको छ ।

‘सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता’ भन्ने नारासहित आजबाट नयाँ शैक्षिकसत्रका लागि भर्ना अभियान सुरु हुन लागेको हो ।

अभियानको पहिलो दिन आज सबै स्थानीय तहका शिक्षा प्रमुख, एकाइ प्रमुख, नगरपालिका महासङ्घ, गाउँपालिका महासङ्घ, मन्त्रालय र केन्द्रीय निकायको सहभागितामा शिक्षा मन्त्रीको उपस्थितिमा ‘भर्चुअल’ माध्यमबाट अन्तरक्रिया गर्ने कार्यक्रम रहेको छ ।