विमानस्थलबाट अवैध सुन बरामद, भारतीय महिला पक्राउ

काठमाडौं । त्रिभुवन अन्तर्राष्ट्रिय विमानस्थलबाट प्रहरीले अवैध सुन बरामद गरेको छ । प्रहरीले करिब ८५० ग्राम सुन बरामद गरेको हो ।

भारतीय महिला सहिना प्रभिनको साथबाट प्लास्टिकले कभर गरेको अवस्थामा सुन उक्त परिमाणको सुन बरामद गरिएको हो ।

बरामद सुनसहित सहिनालाई पक्राउ गरेको विमानस्थल सुरक्षा कार्यालयले जनाएको छ ।

प्रहरीका अनुसार, अन्डरवेयरभित्र लुकाएर ल्याएको अवस्थामा आगमन टनेल गेटबाट उनी सुनसहित पक्राउ परेकी हुन् ।

पक्राउ परेका उनीमाथि प्रहरीले आवश्यक अनुसन्धान गरिरहेको छ ।