ट्रयाक्टर दुर्घटना हुँदा एक जनाको मृत्यु

सर्लाही । सर्लाहीको बरहथवा नगरपालिकास्थित पिप्राभित्तामा सोमबार ट्रयाक्टर दुर्घटना हुँदा एक जनाको मृत्यु भएको छ ।

हरिपुर्वाबाट पिप्राभित्ता जाँदै गरेको ट्रयाक्टर बरहथवा नगरपालिका–१५ स्थित नहरको बाटोमा दुर्घटना हुँदा वर्ष १७ का राजकुमार सिंहको मृत्यु भएको प्रहरीले जनाएको छ ।

यस्तै, सोही दुर्घटनामा परेर अन्य चार जना घाइते भएका छन् । उनीहरुको स्थानीय स्वास्थ्य संस्थामा उपचार भइरहेको जनाइएको छ ।