बागमती प्रदेश सभाका सभामुख स्वदेश फर्किए

मकवानपुर । बागमती प्रदेश सभाका सभामुख भुवक कुमार पाठक अमेरिका भ्रमण सकेर स्वदेश फर्किएका छन् ।

सभाुमख पाठक करिब दुई साता लामो अमेरिकाको भ्रमण सकेर आज बिहान त्रिभुवन अन्तर्राष्ट्रिय विमानस्थलमा आइपुगेका हुन् ।

उनी गत चैत्र १९ गते नीजि भ्रमणको सिलसिलामा अमेरिकातर्फ प्रस्थान गरेका थिए । भ्रमण सकेर वैशाख ३ गते स्वदेश फर्किने भनिएपनि सभामुख पाठक आज मात्रै स्वदेश फर्किएका हुन् ।

उनलाई त्रिभुवन अन्तराष्ट्रिय विमानस्थलमा प्रदेश सभाका सदस्यहरु र प्रदेश सभा सचिवालयका उच्च अधिकृतहरुले स्वागत गरेका थिए ।

भ्रमणका क्रममा उनले विभिन्न प्राप्तको प्रवासी नेपालीहरुसँग भेटवार्ता गर्नुका साथै सो अवसरमा विदेशी संघ–संस्थाहरुद्वारा आयोजित कार्यक्रममा सहभागी भएका थिए ।